Espeleologo berriak gelan

Azkenean jaio dira gure txitak!

21 egunen ondoren, 7 espeleologo berri sortu dira: Tximista, Kalze, Lili, Drago, Monja, Koko eta Pipi. A ze emozioa eta ilusioa sortu diguten gelan!

Ongi etorriak gurera!

Kategoriak ESPELEOLOGOAK | Utzi iruzkina

Kamisetak prest!

Datorren asteko San Antonioetarako kamisetak prest dauzkagu! Gainera gurasoak ere etorri zaizkigu egiten laguntzera, eskerrik asko!

Ikusi ze politak geratu zaizkigun!

Kategoriak ESPELEOLOGOAK | Utzi iruzkina

GALTZAGORRI Liburuen altxorra

Maiatzaren 14ean Imanol etorri zen gure eskolara. Liburuz betetako kutxa bat ekarri zigun eta hilabetez edukiko dugu eskolako liburutegian.

Liburu desberdinak eta dibertigarriak daude, baita misteriozkoak eta parregarriak ere.

Noizbehinka igotzen gara liburutegira hauekin gozatzeko.

Kategoriak BASAPIZTIAK, KIROLARIAK | Etiketak | Utzi iruzkina

NOLA BEGIRATZEN DUGU?

Aurten ere HARREMONAK lantzeko aukera izan dugu. Apirilaren hasieran Ibon etorri zitzaigun komunitatearen gaia lantzera.

Argazki hauetan ikus dezakezuen bezala, egoera berdinaren aurrean ikuspegi desberdinak egon daitezke. Horixe adierazi nahi izan dugu betaurreko desberdin guzti hauekin.

Oso saio aberasgarriak izan ziren, eskerrik asko Ibon!!

 

Kategoriak BASAPIZTIAK, KIROLARIAK | Etiketak | Utzi iruzkina

BASAPIZTIAK ETA KIROLARIAK LOREZAIN

Gure patioan daukagun lorategia apain-apain eta dotore-dotore jartzen pasa dugu arratsaldea.

Ederki pasa ere !!!

Kategoriak BASAPIZTIAK, KIROLARIAK | Etiketak | Utzi iruzkina

IRENEREN ETXERA BISITA

Maiatzaren 6an Ireneren etxera joan ginen bisitan. Bertan ahatekumeak ikusi genituen eta beraien etxean nolatan eta zergatik zeuden azaldu zigun Irenek. Ahaten istorioa entzun ondoren denok mahaira hurbidu ginen, bizkotxo goxo-goxoak prestatuta zituztelako guretzat. Oso gustura egon ginen.
Eskerrik asko, familia!!!

Kategoriak BASAPIZTIAK | Utzi iruzkina

Katixaren etxean ahateak ikusten

Espeleologoak Katixaren etxera joan gara ahate txikiak ikustera.

Kaxeroren lantokiko teilatuan ahate familia bat bizi zen eta txikiak jaio ahala Kaioek hartu eta eraman egiten zituzten. Horregatik, 8 ahatetxo Katixaren etxera eraman zituzten. Badaezpada, bi ahatetxo amarekin utzi zituzten, baina kaioek eraman egin dituzte. Ikusi dugu oso ongi zainduta daudela, badaukate jateko, edateko eta bainatzeko nahikoa ura. Hegan egiten ikasten dutenean, askatu egingo dituzte, ordurako beraien burua defendatzen jakingo dutelako eta aske bizitzeko.
Ahateak ikusi ondoren, jolasten ibili gara: Lizarren salto-saltoan, terrazako hamakan eta Katixaren gelan.

Bi bizkotxo ere jan ditugu, oso goxoak zeuden! Eskerrik asko Katixa, Irene eta Maugi bizkotxoa guretzako egiteagatik. Eta eskerrik asko etxeko guztiei etxeko ateak irekitzeagatik.


Ikusi argazkietan ze gustura ibili garen.

Kategoriak ESPELEOLOGOAK | Utzi iruzkina

Patioko loreak landatzen!

Udaberria iritsi da eta Ur Loreak eta Gorilek gure patioko loreak nola dauden begiratu eta berriak landatzeko ordua iritsi dela pentsatu dugu. Horretan ibili gara gaur goizean, ea nola hazten diren!

Kategoriak GORILAK, UR LOREAK | Utzi iruzkina

TOLOSAKO KIROL TOPAKETA

Martxoaren 22an, eskola txikien arteko kirol topaketan parte hartu genuen Tolosan. Basapiztiak eta Kirolariak joan ginen eta bertan kirol ugaritan ibiltzeko aukera izan genuen. Eguraldi ederra egin zuen eta oso gustura ibili ginen!

Kategoriak BASAPIZTIAK | Utzi iruzkina

JEXUX ETA KIKEREKIN BERRIKETAN

Hernaniko Koxka Elkartea ezagutzeko aukera izan dute Lehen Hezkuntzako ikasleek.  Horretarako, 2 egunez ekintza desberdinak egin ditugu.

Otsailean, bertako kide den Jexux etorri zitzaigun Elkartearen berri ematera. “Xuhurra” ipuina kontatu zigun eta guk bukaera asmatu behar genuen. Zenbat bukaera desberdin!! Guztiekin liburuxka bat egin eta beraiei eman genien.

Martxoko goiz batean, Jexux eta Kikeren bisita izan genuen. Kike, istripuz gurpildun aulki batean gelditu zen Hernaniar bat da. Guk egindako galderei erantzun zien naturaltasun osoz eta bere egunerokotasunean topatzen dituen zailtasunak, ezinak … adierazi zizkigun.

Eskerrik asko zuen bizipenak gurekin konpartitzeagatik!!

 

Kategoriak Sailkatugabeak | Utzi iruzkina